فرمان الہی
نماز کے اوقات
باکسر عامر خان ایک بار پھر مشکل میں پڑگئے ، نامعلوم افراد نے ان کا پیچھا کرتے ہوئے ایک لاکھ پاونڈ کی بیش قیمت گاڑی رینج روور کو جان بوجھ کر ٹکر ماردی،پولیس کا کہنا ہے کہ عامر خان نے غلط ٹرن لیا جس کے باعث یہ حادثہ ہوا۔
پاکستانی نژاد برطانوی باکسر عامر خان کے آبائی علاقے بولٹن میں اپنی رینج روور لے کر نکلے تو، چند نامعلوم افراد نے ان کا پیچھا کرتے ہوئے اپنی گاڑی عامر کی گاڑی سے ٹکرادی ۔
مقامی میڈیا کے مطابق یہ بھی اطلاعات ہیں کہ گاڑی کو ٹکر مارنے والوں نے عامر خان سے ہاتھا پائی بھی کی ، واقعہ کی مزید تفصیلات سامنے نہیں آسکیں تاہم پولیس کا کہنا ہے کہ رینج روور میں موجود ڈرائیور نے گاڑی کا ٹرن غلط لیا جس کے بعد پیچھے سے آنے والی گاڑی کے ڈرائیور نے غصہ میں یہ حرکت کی۔
اب تک کوئی گرفتاری عمل میں نہیں آئی ایک اطلاع یہ بھی ہے کہ پانچ چھ افراد کے گینگ نےعامر خان اور ان کے بھائی ہارون سے گاڑی چھیننےکی کوشش کی ا ور اس واقعہ کو دوسرا رنگ دیا گیا۔
