بہاولپور(ڈسٹرکٹ رپورٹر) پولیس کا سرچ آپریشن،400 افراد کی بائیومیٹرک کے ذریعے تصدیق تفصیل کے مطابق نیشنل ایکشن پلان کے تحت ڈسٹرکٹ پولیس آفیسر کی ہدایت پرضلع بھرکے سرکلز سٹی و صدر بہاول پور، احمد پور شرقیہ، یزمان، حاصل پور اور خیرپورٹامیوالی کے مختلف علاقوں میں سرچ آپریشن کیا گیا۔ لیڈی پولیس اہلکاروں کے ذریعے گھروں کی تلاشی لی گئی، سرچ آپریشن کے دوران بائیومیٹرک ڈیوائس کے ذریعے افراد کی تصدیق کی گئی۔ دوران سرچ آپریشن تھانہ بغدادالجدید پولیس نے مخبر کی اطلاع پر مقبول کالونی میں قحبہ خانے پر ریڈ کرکے ملزمان محمد صفدر، آسیہ بی بی، محمد وسیم اکرم، شہناز، خالد، نسیم بی بی، ماجد، شگفتہ بی بی کو گرفتارکرکے مقدمہ درج کرلیا،تھانہ بغدادالجدید نے ٹبہ بدرشیر سے ملزم فداحسین کو 25لٹر دیسی شراب ، غلام قادر کو 20لٹردیسی شراب جبکہ مقبول کالونی سے عبدالحمید کو 40لٹر دیسی شراب معہ چالوبھٹی گرفتارکرکے مقدمات درج کرلئے ،جبکہ نیشنل ایکشن پلان کے تحت عارضی رہائش ایکٹ کی خلاف ورزی پرحسینی چوک و بنک والی گلی سے محمد عمران، سمیع الرحمان، عبیدالرحمن، طارق محمود کو گرفتارکرکے مقدمات درج کرلئے ۔
فرمان الہی
نماز کے اوقات
