فرمان الہی
نماز کے اوقات
لندن ( جنگ نیوز)عالمی نمبر 2 رومانیہ کی سیمونا ہیلپ نے ایسٹ بورن ٹینس ٹورنامنٹ میں ملی وائلڈ کارڈ انٹری کو قبول کر لیا ہے ۔ہیلپ کیلئے ومبلڈن سے قبل یہ واحد گراس کورٹ کھیل ہے اس سے قبل ایگون کلاسک میں ہیلپ ٹخنے کی انجری کے سبب شریک نہیں ہو سکیں ۔کلے کورٹ میچز میں 25 سالہ ہیلپ میڈرڈاوپن جیت چکی ہیں جبکہ فرنچ اوپن کے فائنل میں پہنچ کر یلینا اوستا پینکو کے ہاتھوں شکست کھا چکی ہیں ۔واضح رہے کہ ویمنز سنگلز کی رینکنگ میں شامل دنیا کی دس بہترین پلیئر ز میں سے سات ایسٹ بورن میں کھیلیں گی ۔ ان میں عالمی نمبر ایک اینجلیک کربر بھی شامل ہیں ۔سیمونا ہیلپ کا کہنا تھا کہ میں ایسٹ بورن میں بہترین میچز کیلئے پر امید ہوں جس سے مجھے ومبلڈن کی تیاری میں بھی بھرپور مدد ملے گی ۔
