فرمان الہی
نماز کے اوقات
گھوٹکی(نامہ نگار) سیپکو واپڈا کا بجلی چوروں کے خلاف آپریشن، شہر کے مختلف علاقوں میں کارروائی، 250 غیر قانونی کنکشن منقطع، تار ضبط کرلی گئی تفصیلات کے مطابق ایس ای واپڈا سکھر ریجن خادم حسین لاڑا کی ہدایات پر سیپکو واپڈا گھوٹکی کے ایکسیئن میر احمد شیخ نے ایس ڈی او ٹو معراج احمد شیخ ، لائن سپریڈینٹ محمد رمضان ملک ، ابراہیم کورائی ، ولی محمد ابڑو اور دیگر عملے کے ہمراہ شہر کے مختلف علاقوں شاہی بازار ، مغل محلہ ، سید محلہ ، شیر شاہ کالونی ، اسٹیشن روڈ اور دیگر میں کارروائی کرکے 250 سے زاہد غیر قانونی کنکشن منقطع کر دیئے۔اس موقع پر ایکسیئن میر احمد شیخ نے صحافیوں سے گفتگو کرتے ہوئے کہا کہ گھوٹکی میں بجلی چوروں اور نادہندگان کے خلاف آپریشن شروع کیا گیا ہے جس کے تحت شہر بھر میں بجلی چوروں کے خلاف کارروائی کی جارہی ہے۔ انہوں نے کہا کہ بقایاجات کی مد میں 10 لاکھ روپےکی وصولی بھی کی گئی ہے جبکہ غیر قانونی تار ضبط کرکے انہیں نذر آتش کردیا گیا ہے۔ انہوں نے کہا کہ بجلی چوری میں ملوث افراد کے خلاف مقدمات بھی درج کرائے جائیں گے۔
