اسلام آباد(خصوصی نامہ نگار) راولپنڈی اسلام آباد میں راہزنی کی60 سے زائد وارداتوں میں ملوث ملزم کو تھانہ پیر ودہائی پولیس نے گرفتار کر لیا ، ملزم سب انسپکٹر کا بیٹا اور کانسٹیبل کا بھائی نکلا ، ایس ایچ او تھانہ پیر ودہائی مصطفی کمال نیازی نے بتایا کہ ڈکیتی اور چوری کی وارداتوں کی روک تھام کے لئے سکواڈ نے ملزم کو گرفتار کیا۔ ملزم کا نام احسن منظو ر ولد منظو ر حسین ہے اور اس کا تعلق لاہور سے ہے ، لیکن یہ اپنے والدین سے لڑ کر راولپنڈی میں اپنی اہلیہ اور خالہ کیساتھ رہائش پذیر ہے۔ اس کا والد منظور حسین لاہور پولیس میں سب انسپکٹر ہے جبکہ ایک سو تیلا بھائی پولیس کا نسٹیبل ہے ، ملزم راولپنڈی اسلام آباد میں راہزنی کی وارداتیں کرتا تھا اور حیرت انگیز طور پر اکیلا واردات کر تا تھا۔راہزنی کی وارداتوں میں لاکھوں روپے نقدی موبائل فونز اور دیگر قیمتی اشیاء چھینیں۔
فرمان الہی
نماز کے اوقات
