فرمان الہی
نماز کے اوقات
کراچی (اسٹاف رپورٹر) کراچی ہاکی ایسوسی ایشن نے پی ایچ ایف کے احکامات پر عمل کرتے ہوئے کراچی کے تمام کلبوں کو ہدایت کی ہے کہ وہ اپنے اپنے کلبوں کی رجسٹریشن کے لئے کھلاڑیوں کے نام کراچی ہاکی ایسوسی ایشن کے سیکریٹریٹ کراچی ہاکی کلب ، گلشن اقبال میں جمع کرا دیں، رجسٹریشن کی آخری تاریخ 20جولائی رکھی گئی ہے جس کے بعد کسی بھی کلب کی جانب سے رجسٹریشن کے کاغذات قبول نہیں کئے جائیں گے۔ واضح رہے کہ کلبوں کی رجسٹریشن مکمل ہوتے ہی کھلاڑیوں کو کمپیوٹرائزڈ کارڈ جاری کئے جائیں گے اس طرح ایک کلب کے کھلاڑی کے کسی دوسرے کلب سے کھیلنے کے امکانات ختم ہوجائیں گے جبکہ دوسرے شہروں سے تعلق رکھنے والے کھلاڑی جو کراچی کے کلبوں سے کھیلنے کے خواہشمند ہیں انہیں ہدایت کی گئی ہے کہ وہ اپنے اپنے شہروں کے ڈویژنل سیکریٹری کی جانب سے این او سی پیش کریں تاکہ کراچی کے کلبوں کی نمائندگی کرسکیں۔
