شیخوپورہ(نمائندہ جنگ سے) شیخوپورہ کرکٹ اسٹیڈیم میں پہلے شیخوپورہ پریمیر فلڈ لائٹ کرکٹ ٹورنامنٹ کے فائنل کے موقع پر پاکستان کے نامور فنکار اپنے فن کا مظاہرہ کرینگے ، فائنل میں میچ میں شیخوپورہ سے تعلق رکھنے والے سابق قومی کرکٹرز عاقب جاوید ،رانا نوید الحسن ،کاشف رضا، عمران نذیر ،قیصر عباس، محمد آصف سمیت دیگر انٹر نیشنل کھلاڑی بھی شریک ہونگے یہ بات ٹورنامنٹ کی آرگنائزنگ کمیٹی کے چیئرمین اور بلدیہ شیخوپورہ کے وائس چیئرمین چودھری احسان مجید گجر نے میاں منور اقبال ،فیصل ورک ،چودھری صغیر بھٹہ ، میاں عقیل اکرم،چودھری یاسر اقبال گجر کے ہمراہ کرکٹ اسٹیڈیم کے دورہ کے موقع پر کئے جانیوالے انتظامات کا جائزہ لینے کے بعد میڈیا سے گفتگو کرتے ہوئے کیا، انہوں نے بتایا کہ مون سون کی بارشوں کی وجہ سے فائنل میچ 27 رمضان المبارک کو ملتوی کرکے 7جولائی کو کردیا، فائنل میچ میں آتش بازی کابھی مظاہرہ کیا جائیگا ۔
فرمان الہی
نماز کے اوقات
