راولپنڈی (سٹاف رپورٹر‘ نمائندہ جنگ) جھنگ سے راولپنڈی لایا جانیوالا40 من پانی لگا مضر صحت گوشت محکمہ لائیو سٹاک عملہ نے قبضہ میں لے لیا۔ ذرائع کے مطابق ڈاکٹر کاشف اور ڈاکٹر فرخ کی زیرقیادت محکمہ لائیو سٹاک کی ٹیم نے تھانہ وارث خان پولیس کے ہمراہ کارروائی کرتے ہوئے جھنگ سے دو گاڑیوں ایل ای ایس 4860اور ایف ڈی ٹی 2777کے ذریعے راولپنڈی لائے جانیوالے گوشت کا معائنہ کیا تو وہ انتہائی مضر پایا گیا جس پر گوشت کے مالک عمردراز کو گرفتار اور دونوں گاڑیاں قبضہ میں لے لی گئیں۔ مذکورہ انتہائی مضر صحت گوشت راولپنڈی کے مختلف علاقوں میں فروخت کیلئے لایا گیا تھا۔ تھانہ وارث خان پولیس نے مقدمہ درج کر لیاہے۔
فرمان الہی
نماز کے اوقات
