فرمان الہی
نماز کے اوقات
اولڈہم(نمائندہ جنگ)اولڈہم ان ڈور سالانہ والی بال ٹورنامنٹ میں برطانیہ بھر سے آٹھ ٹیموں نے شرکت کی، فائنل مقابلے میں کانٹے دار مقابلے کے بعد اولڈہم کی ٹیم کو برمنگھم کی ٹیم سے شکست، پاکستانی کمیونیٹی سنٹر اولڈہم میں منعقدہ اس ٹورنامنٹ کی ایک خاص بات برطانیہ، افغانستان، ایرانی اور پاکستانی ٹیموں کی شرکت تھی، آرگنائزر عمران چوہان اور طاہر اقبال کا کہنا تھا کہ ہمارا مقصد دوستوں کو ملانا ہے اس طرح کا ٹورنامنٹ نہ صرف صحت کے لیےبے حد ضروری ہے بلکہ نوجوانوں کو ہمارے ثقافتی کھیلوں سے متعارف کروانے کا باعث بھی بنتا ہے۔ ہمارے نوجوان صرف کرکٹ اور فٹبال پر توجہ دیتے ہیں حالانکہ اس کھیل میں برطانیہ میں آگے جانے کے مواقع موجود ہیں۔ ان ڈور والی بال ٹورنامنٹ میں سابق مئیرز کونسلر شعیب اور عتیق الرحمان نے خصوصی شرکت کی اس کے علاوہ بچوں اور تماشائیوں کی بڑی تعداد بھی ان مقابلوں کو دیکھنے برطانیہ کے مختلف علاقوں سے آئی تھی۔
