پٹرول کی نقل و حمل کیلئے ریلویز نے خدمات پیش کردیں

وفاقی وزیر ریلویز خواجہ سعد رفیق نے وزیر پٹرولیم شاہد خاقان عباسی سے رابطہ کیا ہے اور انہیں پٹرول کی نقل و حمل کے لئے ریلویز کی خدمات پیش کردی ہیں۔

ترجمان ریلویز کے مطابق وفاقی وزیر ریلویز خواجہ سعد رفیق نے چیف ایگزیکٹو آفیسرریلویز محمدجاوید انور کو ہدایت کی کہ پی ایس او سے رابطہ کریں ہڑتالی کلچر کی حمایت نہیں کر سکتے، پٹرول ٹینکرز کی ہڑتال سے پیدا ہونے والی صورتحال پرتشویش ہے۔

ان کا کہنا تھا کہ قوم کو مشکل سے نکالنا چاہتے ہیں، ملک کے چاروں صوبوں میں پٹڑی کے ساتھ پٹرول فوری سپلائی شروع کر سکتے ہیں۔

خواجہ سعد رفیق نے کہا کہ ریلوے کے پاس اضافی انجن اور رولنگ اسٹاک بھی ہے،پٹرول کی فراہمی میں کردار ادا کر کے قومی ذمہ داری ادا کریں گے، انتہائی مناسب چارجز وصول کریں گے۔

پاکستان ریلویز کی انتظامیہ اور کارکن اس صورتحال میں مثبت کردارادا کرنے کے لئے پوری طرح تیار ہیں۔