فرمان الہی
نماز کے اوقات
کراچی (اسٹاف رپورٹر) سی ٹی ڈی نے سینٹرل جیل سے فرار قیدیوں کی سہولت کاری کے الزام میں ہری پور سے تین افراد کو حراست میں لے لیا۔سی ٹی ڈی ذرائع کا کہنا ہے کہ حراست میں لیئے گئے افراد میں ملزم شفیق،چن زیب اور سخاوت شامل ہیں۔سی ٹی ڈی ذرائع کے مطابق ملزم شفیق نے قیدیوں کو اپنے گھر میں دس سے بارہ دن رہائش فراہم کی ۔
سی ٹی ڈی کے مطابق شفیق کا بیٹا افغانستان میں بم دھماکے میں زخمی بھی ہوچکا ہے، گرفتار ملزم چن زیب نے اپنے موبائل فونز کے زریعے فرار دہشت گردوں کے روابط کرائے ، چن زیب نے دہشت گردوں کو لینے اور اسٹیشن چھوڑنے کا بھی کام کیا،سی ٹی ڈی کے مطابق ملزم سخاوت بھی دہشتگردوں کی سہولت کاری میں ملوث ہے ۔
