فرمان الہی
نماز کے اوقات
لیہ(نمائندہ جنگ)سکول وین الٹنے سے 16بچے زخمی ،5کی حالت تشویش ناک ،حادثہ تیز رفتاری سے اوور ٹیک کرتے ہوئے پیش آیا ،لیہ کے چک 172میں سپیریئر پبلک سکول کی وین چھٹی کے بعد بچوں کو لے کرتیز رفتاری سے جار ہی تھی کہ اوور ٹیک کرتے ہوئے الٹ گئی ، ریسکیو ٹیموں نے موقع پر پہنچ کر امدادی سرگرمیاں شروع کردیں ، وین میں قریب کے چکوک سے آنے والے 20سے زائد بچے سوار تھے جن میں سے 16بچے زخمی ہو گئے اور جن میں سے5 بچوں عبدالرحیم، محمدذیشان ،نورفاطمہ،علی رضااور مطیبہ عابد کو تشویش ناک حالت میں ڈسٹرکٹ ہسپتال لیہ منتقل کر دیا ہے،زخمی بچوں کی عمریں 6سے 15سال تک بتائی گئی ہیں، بچوں کے لواحقین نے احتجاج کرتے ہوئے بتایا کہ چھٹیوں کے باوجود بچوں کو زبر دستی سکول آنے پر مجبور کیا گیا ہے، انہوں نے ایجوکیشن حکام سے واقعہ کا فوری نوٹس لینے کا مطالبہ کیاہے جبکہ سکول انتظامیہ کے مطابق بچوں کوجشن آزادی کے پروگرامز کی تیاری کے لئے بلایا گیا ہے، دوسری جانب سی او ایجوکیشن نے واقعہ کی رپورٹ طلب کرلی ہے۔
