فرمان الہی
نماز کے اوقات
لوٹن (پ ر) لوٹن کے سابق میئر کونسلر ریاض بٹ کی بڑی ہمشیرہ راولپنڈی کے ہسپتال میں انتقال کرگئیں، مرحومہ کا کوٹلی کے کشمیری خاندان سے تعلق تھا اور وہ کوٹلی کے تاجر صوفی عبدالکریم مرحوم بٹ کی اہلیہ اور سردار خان بٹ آف دہمول مرحوم کی بہو تھیں، جبکہ کوٹلی کے مسلم کانفرنسی رہنما حاجی محمد اکرم اور لوٹن کے حاجی محمد رفیق بٹ کی والدہ تھیں۔ مرحومہ کی نماز جنازہ آج بروز ہفتہ بعداز دوپہر موضع دہمول کی عیدگاہ میں ادا کی جائے گی، مرحومہ کے انتقال کی خبر سن کر حاجی محمد رفیق اپنے خاندان کے دیگر افراد کے ساتھ کوٹلی آزاد کشمیر روانہ ہوگئے۔ مرحومہ کو ان کے آبائی قبرستان میں سپردخاک کیا جائے گا۔ مرحومہ کی بلندی درجات کے لیے جامع غوثیہ اسلامیہ اور جامع الکبریا میں مغفرت کی دعا کی گئی۔ نماز جمعہ کے بعد کونسلر ریاض بٹ اور حاجی محمد رفیق سے مولانا قاضی عبدالعزیز چشتی، خواجہ عبدالحمید، ممتاز بٹ، مہربان بٹ، راجہ بشیر، ملک محمد افضل، حاجی ذوالفقار علی، ملک لیاقت، ملک شفیع، مولوی امین، مولوی محمد حفیظ بٹ اور دیگر نے افسوس کا اظہار کیا ہے۔
