جنوبی افریقہ ، سفاری پارک میں غصیلے شیر کا سیاح کی جیپ پر حملہ

جنگل کے بادشاہ شیر کے غصے سے تو سب ہی ڈرتے ہیں جو اپنی ایک دھاڑسے اچھے اچھوں کو خوفزدہ کر دیتا ہے۔

جنوبی افریقہ کے سفاری پارک میں اسی بادشاہ نے اپنا غصہ سیاحوں پر کچھ یوں نکالا کہ اُنکی جیپ پر حملہ کر ڈالا۔

یہ خوفناک واقعہ جنوبی افریقہ کے سفاری پارک میں پیش آیا جب سیاحوں کی جیپ پر غصیلے شیر نے حملہ کردیا اور جیپ کے اوپر چڑھنے کی کوشش میں نہ صرف جیپ کا خوب پیچھا کیا بلکہ ٹکریں مارتے ہوئے جیپ پر لگے ٹائر کو اپنے دانتوں میں دبوچ کر لٹک گیا۔

رپورٹ کے مطابق اس واقعے میں ڈرائیور نے ہمت دکھائی اور گاڑی چلاتارہا جسکے باعث شیر تھک ہار کر جیپ سے اُتر گیااور سیاح بالکل محفوظ رہے تاہم اس حملے سے بیحد خوفزدہ ہوگئے۔