فرمان الہی
نماز کے اوقات
اوہائیو (نیوز ایجنسیز) بلغاریہ کےگریگوردمتروف نے سنسناٹی اوپن کے فائنل میں نک کریگوس کو شکست دیکر کیریئر کا سب سے بڑا ٹائٹل جیت لیا۔ سنسناٹی میں کھیلے گئے ایونٹ کے فائنل میں گریگور دمتروف ابتداہی سے چھائے رہے ۔آسٹریلیا کےنک کریگوس کوپہلے سیٹ میں 6-3 سے شکست ہوئی ۔
دوسرے سیٹ میں مقابلہ دلچسپ رہا ،کریگوس نے کچھ مزاحمت کی لیکن دمتروف نے سیٹ 7-5کے اسکور سے جیت کر اپنے کیریئر کا سب سے بڑا ٹائٹل جیت لیا۔ویمنز ایونٹ کے فائنل میں مقابلہ بالکل یکطرفہ رہا ۔اسپین کی گاربائن مگاروزا نے رومانیہ کی سیمونا ہیلپ کواسٹریٹ سیٹس میں زیر کر لیا۔
پہلے سیٹ کا اسکور 6-1 رہا ، دوسرے سیٹ میں تو مگاروزا نے ایک گیم بھی لوز نہیں کیا اور 6-0 کی فتح کے ساتھ ٹائٹل اپنے نام کر لیا۔مگاوزا اس وقت بہترین فارم میں ہیں اور انہوں نے مسلسل دو ٹائٹل جیت لیے ہیں۔ اس سے قبل وہ ومبلڈن چیمپئن شپ میں بھی فاتح رہی تھیں۔
