فرمان الہی
نماز کے اوقات
ساہیوال(نمائندہ جنگ)پاکستان کسان بورڈ نے ویوہوٹل کے قریب جی ٹی روڈ بلاک کرتے ہوئے اپنے مطالبات کے حق میں شدید احتجاج اور مظاہرہ کیا۔ مظاہرے کی قیادت مرکزی سیکرٹری جنرل ارسلان خاکوانی‘ صوبائی صدرپنجاب چوہدری شوکت ایڈووکیٹ اورمقامی قائدین نے کی۔ 3گھنٹے جی ٹی روڈ بلاک ہونے سے گاڑیوں کی لمبی لائنیں لگ گئیں اور مسافروں کوشدیدمشکلات کاسامناکرناپڑا۔ انہوں نے حکومت سے مطالبہ کیا کہ اووربلنگ بند کی جائے اورٹیل کے کسانوں کونہری پانی فراہم کیاجائے۔ احتجاجی مظاہرین نے کہا کہ کسان بجلی کے اووربلنگ اورنہروں کی صفائی نہ ہونے سے ٹیل تک نہری پانی نہ پہنچنے سے انتہائی پریشان ہیں لیکن حکمرانوں کوکسانوں کی مشکلات کی کوئی فکر نہیں۔
