فرمان الہی
نماز کے اوقات
کراچی( نصر اقبال، اسٹاف رپورٹر) پی ایچ ایف ڈیولمپنٹ ہاکی ٹیم عمان کے کام یاب دورہ کے بعدبعد وطن واپس پہنچ گئی، پاکستان نے پانچ میچوں کی سیریز3-0 سے جیت لی۔
دو میچ ڈرا ہوگئے، قومی ٹیم کے منیجر سابق اولمپئن منصور احمد نے جنگ سے بات چیت کرتے ہوئے کہا کہ دورہ خاصا کام یاب رہا ہے، ہمارے پاس پانچ تجربے کارکھلاڑی تھے جن کی موجودگی کا ہمیں فائدہ ہوا، ہمیں اپنے کھلاڑیوں کی فٹنس کا اندازہ ہوا، جو مخالف کے مقابلے میں زیادہ اچھی نہیں تھی، اس بارے میں رپورٹ میں پی ایچ ایف کو تجویز دیں گے۔
منصور احمد نے کہا کہ عمان کے کھلاڑی چوتھے کوارٹر میں دبائو میں آ جاتے تھے جس کا ہمارے کھلاڑیوں نے بھر پور فائدہ اٹھایا۔چار کھلاڑیوں نے متاثر کیا جن کو قومی جونیئر کیمپ میں شامل کرنے کی سفارش کروں گا۔
