فرمان الہی
نماز کے اوقات
اسلام آباد (نمائندہ جنگ)بینظیر انکم سپورٹ پروگرام کو 2013سے 2017کے دوران پانچ برسوں میں بین الاقوامی مالیاتی اداروں سے 85ارب 75 کروڑ روپے ( 79کروڑ40لاکھ ڈالر ) موصول ہوئے، یہ امداد عالمی بنک ، ایشیائی ترقیاتی بنک اور برطانوی ادارے ڈی ایف آئی ڈی سے ملی ، یہ امداد بی آئی ایس پی کی جانب سے مستحقین کو نقد امدا د کی صورت میں منتقلی ، بہتر گورننس اور نظم و نسق اور غریب افراد تک رسائی میں بہتری کی وجہ سے ممکن ہو ئی ، برطانوی مالیاتی ادارے نے بی آئی ایس پی کی درجہ بندی اے کر دی جبکہ عالمی بنک نے بھی بی آئی ایس پی کو زیادہ تسلی بخش درجہ دیا ۔ بی آئی ایس پی نے اپنے مستحقین کیلئے 90فیصد سے زائد ادائیگیوں کو سمارٹ کارڈ، ڈیبٹ کارڈ اور فون جیسے ٹیکنالوجی پر مبنی نظاموں پر منتقل کردیا ہے۔
