• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ترکمانستان کے صدر نے پیوٹن کو کتا تحفے میں دیدیا

سوچی میں روسی صدر پیوٹن سے ترکمانستان کے صدر کی ملاقات، سالگرہ کے تحفے کے طور پر اعلیٰ نسل کا کتا پیش کیا۔

دنیا بھر میں سربراہان مملکت خیر سگالی کے طور پرایک دوسرے کو تحفے تحائف پیش کرتے رہتے ہیں۔ ایسا ہی ایک تحفہ روسی صدر پیوٹن کو بھی ملا جس نے ان کے چہرے پر مسکراہٹ بکھیر دی۔

روس کے شہر سوچی میں ترکمانستان کے صدر گربانگلی بردیموہامی دیونے روسی صدر پیوٹن سے ملاقات کی اور اس دوران انہیں اعلیٰ نسل کا کتا تحفے کے طور پر پیش کیا۔

ورنے نامی یہ کتا پیوٹن کو ان کی 65ویں سالگرہ کے تحفے کے طور پر پیش کیا گیا جو کہ چند روز قبل گزری ہے۔ اس موقع پر پیوٹن نہایت خوش دکھائی دیئے اور کتے کو پیار بھی کیا۔

واضح رہے کہ پیوٹن کو اس سے قبل بھی جاپان کے گورنر کی جانب سے ایک کتا تحفے کے طور پر دیا گیا تھا جو اب بھی ان کے پاس ہے۔

دلچسپ و عجیب سے مزید