فرمان الہی
نماز کے اوقات
دار فانی سے کوچ کر جانے والی عینک والا جن سے شہرت پانے والی اداکارہ نصرت آراءکو لاہور کے قبرستان میں سپرد خاک کردیا گیا۔
بچوں کی فیورٹ سب کو ہنسانے والے بل بتوڑی پہلے مسکرانا بھولیں، پھر دنیا ہی چھوڑ گئیں،عینک والا جن سے شہرت حاصل کرنے والی نصرت آراء ایک سال سے فالج کے مرض میں مبتلا تھیں، ایک رات پہلے طبیعت زیادہ خراب ہونے پر انہیں اسپتال منتقل کیا گیا، آج صبح انتقال ہوگیا۔
نصرت آراء ایک سال سے فالج کا شکار تھیں،انہوں نے سوگوروں میں ایک بیٹا اور ایک بیٹی چھوڑی ہے۔
نصرت آراء کے بیٹے عامر نے بتایا کہ گزشتہ رات ان کی والدہ کی حالت اچانک خراب ہو گئی تو انہیں اسپتال لے جایا گیا جہاں صبح 9 بجے ان کا انتقال ہو گیا۔
نصرت آراء کا بچوں کی ڈرامہ سیریز عینک والا جن کا کردار بل بتوڑی بچوں اور بڑوں میں یکساں مقبول تھا، یہی کردار ان کی پہچان بھی بنا، ان کی وفات پر ساتھی فنکاروں نے بھی غم کا اظہار کیا ہے۔
نصرت آراء کی نمازجنازہ علامہ اقبال ٹاون میں ادا کی گئی، جس کے بعد انہیں میانی صاحب قبرستان میں سپرد خاک کردیا گیا۔
