کوئٹہ (اسٹا ف رپورٹر)گورا قبرستان کے قریب ڈمپر کی ٹکر سے 11ہزار کے وی کاکھمبا گرنے سے وی آئی پی سٹیڈیم فیڈرکو بجلی کی فراہمی معطل ہوگئی، بجلی کی فراہمی معطل ہونے سے گورنر ہاوس ،وزیر اعلیٰ ہاوس،سول ہسپتال،چلڈرن ہسپتال سمیت دیگر اہم عمارتیں تا ریکی میں ڈوب گئیں جبکہ اخبارات اور ٹی چینلز کے دفاتر میں بھی کام متاثر ہوا ،اس حوالے سے کیسکو ترجمان نے بتایا کہ گذشتہ روز ڈمپر کی ٹکر سے 11ہزار کے وی کاکھمبا گرنے سے وی آئی پی سٹیڈیم فیڈرکو بجلی کی فراہمی معطل ہوگئی،اطلاع ملتے ہی کیسکو کاعملہ مذکورہ مقام پر پہنچا اور مرمت و بحالی کاکاشروع کردیا،اور گرنے والے کھمبے کی جگہ دوسرا کھمبا لگا دیا ،سڑک پر ٹریفک کو روکنا ممکن نہیں تھا ،اس وجہ سے کیسکو کے عملے کو مشکلات کاسامنا کرناپڑا ہے ،تاہم جتناجلد ممکن ہوا،کام مکمل کرلیا جائے گا،اور امید ہے کہ رات گئے تک بجلی بحال کردی جائے گی ۔
فرمان الہی
نماز کے اوقات
