کراچی:ملیر میں لڑکی پر تیز دھار آلے سے مبینہ حملہ

کراچی میں لڑکی پر تیز دھارآلے سے حملے کا ایک اور مبینہ کیس سامنے آیا ہے ۔

کراچی کے علاقے سعود آباد میں 20سالہ جاذبہ نامی لڑکی تیز دھار چیز لگنے سے زخمی ہوگئی ۔

جاذبہ نے پولیس کو دیئے گئے بیان میں کہا ہے کہ اس پر موٹر سائیکل سوار شخص نے تیز دھارآلے سے حملہ کیا،جس وقت پر حملہ کیا گیا وہ گھر سےکوچنگ سینٹر جارہی تھی۔

لڑکی کے مطابق ملزم نے کریم رنگ کی شرٹ پہنے ہوئے تھا جبکہ وہ ہیلمٹ نہیں پہنا ہوا تھا۔

ایس پی شاہ فیصل کا کہنا ہے لڑکی کے ہاتھ پر آنے والا زخم تیز دھار آلے کا نہیں لگتا بلکہ لگتا ہے لڑکی موٹرسائیکل کی ٹکر لگنے سے زخمی ہوئی ہے، تاہم تفتیش جاری ہے۔