کراچی: یونیورسٹی روڈ پر غیر قانونی ریمپ کی تعمیر

کراچی میں حال ہی میں تعمیر ہونے والے یونیورسٹی روڈ پر غیر قانونی ریمپ تعمیر کردیا گیا۔

کراچی ڈیولپمنٹ پیکج کے افسران کا نیا کارنامہ سامنے آگیا ہے۔ حال ہی میں بننے والے یونیورسٹی روڈ پر غیر قانونی ریمپ تعمیر کردیا گیا ہے۔ ذرائع کے مطابق ریمپ فوڈ اسٹریٹ مالکان کو سہولت دینے کے لئے چند روز قبل ہی تعمیر کیا گیا ہے۔

غیر قانونی ریمپ کے باعث ٹریفک کے مسائل بھی ہورہے ہیں جبکہ یہ ریمپ ٹریفک حادثات کا سبب بھی بن سکتا ہے۔ واضع رہے کہ یونیورسٹی روڈ ایک ارب روپے کی لاگت سے تعمیر کیا گیا ہے۔