لندن (مرتضیٰ علی شاہ) دی چائنا پاک انوسٹمنٹ کارپوریشن جس نے پاکستان کے ریئل اسٹیٹ سیکٹر میں5سو ملین پونڈ کی سرمایہ کاری کے ارادہ کا اعلان کیا ہے، منسٹری آف پلاننگ، ڈیولپمنٹ اینڈ ریفارمز کے بیان پر مایوسی کا اظہار کرتے ہوئے تصدیق کی ہے کہ اس نے گوادر پروجیکٹ کے لئے تمام اپروولز حاصل کرلی ہیں۔ سی پی آئی سی نے کہا ہے کہ اس نے گوادر میں انٹر نیشنل پورٹ سٹی پروجیکٹ حاصل کیا ہے۔ جس کا این او سی نمبر 74/07/HS/GDA(B) گوادر ڈیولپمنٹ اتھارٹی نے جاری کیا ہےاور آفیشل ویب سائٹ پر اسے گوادر ڈیولپمنٹ اتھارٹی کی جانب سے ستمبر2017ء تک کے اپ ڈیٹ کے ساتھ واضح طور پر دیکھا جاسکتا ہے۔ سی پی آئی سی نے کہا ہے کہ اس کا نام تبدیل کر کے چائنا پاک ہلز رکھنے کے لئے درخواست گوادر ڈیولپمنٹ اتھارٹی کو دی جاچکی ہے، جسے گوادر اور ڈیولپمنٹ اتھارٹی نے وصول کرلیا ہے۔ ایک نقل جو اس رپورٹر کو ملی ہے اس میں جی ڈی اے نے5اکتوبر2017ء کو نام کی تبدیلی کے لئے درخواست وصول کرنے کی تصدیق کی ہے۔
فرمان الہی
نماز کے اوقات
