فرمان الہی
نماز کے اوقات
پاک فوج کے زیراہتمام خنجراب پاس تا گوادرپاکستان موٹر ریلی بلوچستان کے ضلع ژوب سے کوئٹہ روانہ ہوگئی ، ریلی کل اپنی آخری منزل گوادر کےلئے روانہ ہو گی۔
دس روزہ پاکستان موٹر ریلی 7ویں روز بھی اپنی منزل کی جانب رواں دواں ہے،گزشتہ روز ریلی کوہ سلیمان کے پہاڑی سلسلوں سے ہوتی ہوئی ژوب پہنچی جو آج ژوب سے کوئٹہ کےلئے روانہ ہوگئی۔
ریلی 80 موٹر سائیکلوں اور 60 گاڑیوں پر مشتمل ہے جبکہ جگہ جگہ خیر مقدمی بینرز آویزاں کرکے ریلی کے شرکاء کا شاندار استقبال کیا جارہا ہے،ریلی کا راستے میں قلعہ سیف اللہ، مسلم باغ، خانوزئی اور کچلاک پر بھی استقبال کیا جائے گا۔
ریلی آج شام کو کوئٹہ پہنچے گی، رات کوئٹہ میں قیام کرکے کل اپنے آخری منزل گوادر کےلئے روانہ ہو گی۔
شرکاء ریلی کا کہنا ہے کہ ریلی سے ثابت ہوگیا کہ بلوچستان پرامن ہے اور سی پیک کامیاب ہو گا۔
