ملتان (سٹاف رپورٹر) ملتان ویسٹ مینجمنٹ کمپنی سی بی اے انتخاب میں میونسپل ایمپلائز ویلفیئر یونین نے 679 ووٹ لیکر کامیاب ہو گئی جبکہ غازی یونین 633ووٹ لیکر دوسرے اورمحنت کش سالٹ ویسٹ مینجمنٹ کمپنی یونین 563ووٹ لیکر تیسرے نمبر پررہی ۔ ووٹنگ صبح 8بجے شروع ہوئی اور شام 4بجے تک جاری رہی۔ الیکشن میں حصہ لینے والی یونین نے پرانی ورکشاپ خیام سینما میں کیمپ لگائے تھے جبکہ پولنگ کیلئے بوتھ سرکاری کوارٹرز میں بنائے گئے۔ الیکشن میں کامیابی کا اعلان ہوتے ہی میونسپل ایمپلائز ویلفیئر یونین کےحامیوں نے ڈھول کی تھاپ پر بھنگڑے ڈالنے شروع کردیئے ، صدر ریاض خان خاکوانی اور جنرل سیکرٹری جاوید اقبال کو کاندھوں پر اٹھا لیا اور جیت کی خوشی میں ہار پہنائے گئے اس موقع پر سینکڑوں کی تعداد میں سینٹری ورکرزپر موجودتھے۔ نو منتخب صدر ریاض خاکوانی اور جنرل سیکرٹری جاوید اقبال نے الیکشن میں کامیابی پر اللہ کا شکر ادا کیا اور کہا ہے کہ سابقہ دور میں ملازمین کے حقوق کے تحفظ کیلئے تمام اقدامات کئے گئے ہیں اور آئندہ بھی ملازمین کے حقوق کا خیال رکھا جائے گا ۔
فرمان الہی
نماز کے اوقات
