فرمان الہی
نماز کے اوقات
وزیراعلیٰ بلوچستان نواب ثناء اللہ زہری نے شہداء کربلا کے چہلم کے موقع پر کوئٹہ سمیت صوبہ بھر میں حفاظتی اقدامات کو یقینی بنانے کی ہدایت کردی۔
وزیراعلیٰ بلوچستان کی جانب سے آئی جی پولیس کو چہلم کے جلوسوں کی حفاظت کے ساتھ ساتھ امن وامان کی عمومی صورتحال کی بہتری کے لئے غیرمعمولی اقدامات کرنے بالخصوص صوبائی دارالحکومت کوئٹہ میں سیکیورٹی فورسز کے گشت اور نفری میں اضافے کی ہدایت کی گئی ہے۔
وزیراعلیٰ نے سیکیورٹی فورسز کے درمیان مربوط روابط اور مشترکہ حکمت عملی وضع کرتے ہوئے سماج دشمن اور شرپسند عناصر کے خلاف جاری کاروائیوں کو مزید مربوط بنانے کی ہدایت کردی۔
انہوں نے یہ ہدایت کرتے ہوئے مزید کہا کہ دہشت گردی کے کسی بھی ممکنہ خطرے سے مؤثر طور پر نمٹنے کے لئے بھرپور تیاری مکمل رکھیںاور چوکس رہیں۔
