ملتان (سٹاف رپورٹر ) ملتان میں دو لڑکیوں، ملازمہ، 16 سالہ لڑکےسمیت4 افراد کو اغوا کر لیا گیا۔ رمضان نے بستی ملوک پولیس کو درخواست دی کہ ملزمان نورمحمد ، رفیق اور فیصل وغیرہ اس کی 13سالہ بیٹی کو اغوا کر کے لے گئے۔ پرانا شجاعباد روڈ کی رہائشی عذرا بی بی نے نیوملتان پولیس کو درخواست دی کہ اس کا بیٹا عمران کالج گیا مگر واپس نہ آیا ۔اس نے تلاش کیا تو معلوم ہوا کہ اس کا بیٹا عمران، زاہد اور اسماعیل کے ساتھ دیکھا گیا تھا ۔اب ملزمان اس کے بیٹے کو دینے سے انکاری ہیں ۔ اختر بی بی نے پولیس تھانہ جلیل آباد کو آگاہ کیا کہ وہ مہر ضیاء دل کے گھر ملازمہ ہے وہ دوائی لینے کیلئے گھر سے نکلی۔ محمد عرفان، اعجاز اور ایک نامعلوم نے اسے اغوا کر لیا اور بہاولپور لے جا کر زیادتی کا نشانہ بنایا اور اس سے کاغذات پر دستخط بھی کروا لئے ۔ احسان عباس نے پولیس تھانہ قطب پور کو آگاہ کیا کہ اس کی بیٹی حرا بتول گھر میں اکیلی تھی جس کو عامر اور رب نواز اغوا کر کے لے گئے۔پولیس نےمقدمات درج کرلئے۔
فرمان الہی
نماز کے اوقات
