• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راہول گاندھی کا آلو کو سونا بنانے کا فارمولا وائرل

مدیحہ بتول
تازہ ترین
بین الاقوامی خبریں
16 نومبر ، 2017

کانگریس کے نائب صدر راہول گاندھی نےطویل عرصے سے اپنی غیر سنجیدہ اور مضحکہ خیز تقاریرا ور بیانات کی وجہ سے سوشل میڈیا کو ’کامیڈی باکس‘ میں تبدیل کر رکھا ہے ، اب انہوں نےآلو سے سونا بنانے والی مشین کا شوشہ چھوڑ کر سوشل میڈیا کے صارفین کو اپنی طرف متوجہ کر لیا ہے۔

شو بز ہو یا سیاست، سوشل میڈیا پر صارفین کی نا ختم ہونے والی ٹوئٹس کا ایک سلسلہ جاری رہتا ہے،حال ہی میں بھارتی ریاست گجرات میں راہول گاندھی نے ایک تقریر کی ۔

یہ بھی پڑھئے:کرنسی نوٹ پالیسی، مودی راہول گاندھی کے مذاق کا نشانہ

تقریر میں انہوں نے آئندہ انتخابات کے لئے وزیر اعظم نریندر مودی کی طرف سے کئے گئے مختلف وعدوں پر اپنے خیا لات کے ذریعے روشنی ڈالتے ہوئے کہا کہ

’’ ایسی مشین لگاؤں گا، اِس سائیڈ سے آلو گھسے گا، اُس سائیڈ سے سونا نکلے گا۔‘‘

یہ بھی پڑھئے:پاک امریکا تعلقات میں بہتری پر راہول گاندھی کی مودی پر تنقید

صارفین نے تقریباً آدھے گھنٹے کی تقریر میں سے 20 سیکنڈ کے اس مزاح سے بھرپور کلپ کو سوشل میڈیا پر خوب شیئر کیا۔

کلپ شیئر ہوتے ہی ٹوئٹر کامیڈی باکس بن گیا۔ایک صارف نے لکھا’’ دوستو اگلے مہینے میری بہن کی شادی ہے، جہیز میں بہت سارا سونا دینا ہے، آج ہی ہم بہت سارے آلو لے آئے ہیں۔

ایک صارف نے لکھا’’ آج میں نے ناشتے میں آلو کا پراٹھا کھایا، اب سونا بننے کا انتظار کر رہا ہوں ‘‘

کچھ صارفین نے راہول گاندھی کو بھارت کا بہترین ’کامیڈین‘ بھی قرار دے دیا۔

 

تازہ ترین