امریکی کانگریس میں سات سو بلین ڈالر کا دفاعی بجٹ منظور

امریکی کانگریس نے 700 بلین ڈالر کا دفاعی بجٹ منظور کر لیا۔ سینیٹ اور ایوان نمائندگان کے بعد بل کواب امریکی صدر ٹرمپ کی منظوری درکار ہوگی ۔

امریکی کانگریس نے جمعہ کو آئندہ برس کے دفاعی بجٹ کی منظوری دے دی۔ جس کے بعد حتمی منظوری کیلئے بل کو امریکی صدر ٹرمپ کے دستخط کیلئے بھیج دیا گیا ہے۔

بجٹ میں صدر ٹرمپ کی ابتدائی تجاویز سے چھبیس بلین ڈالر سے زائد کی مختلف دفاعی ضروریات کو شامل کیا گیا ہے۔اوباما کے منظور شدہ آخری دفاعی بجٹ کے مقابلے میں اس مرتبہ اس بجٹ کا حجم پندرہ فیصد زائد ہے۔

اس بجٹ کے تحت 626 ارب ڈالر دفاعی ضروریات کے لیے جب کہ بیرون امریکا دفاعی اخراجات کے لیے 66 ارب مختص کیے گئے ہیں۔