ناسا کامریخ مشن 2020 کے لیے پیرا شوٹ کا تجربہ

خلائی تحقیق ادارہ ناسانے’ مارس مشن 2020‘کے لیے تیار کیے گئے پیرا شوٹ کا پہلا کامیاب تجربہ کرلیا۔

امریکی خلائی ادارے’ نیشنل ایروناٹیکل اینڈ اسپیس ایجنسی ‘(ناسا) ’مارس مشن 2020‘ کے لئے بھرپور تیاریوں میں مصروف ہے اسی سلسلے میں ناسا نے ایک سپرسونک لینڈنگ پیراشوٹ کا پہلا تجربہ کیاجو کامیاب رہا۔

یہ مریخ پر پیراشوٹ بھیجنے کا دوسرا کامیاب تجربہ ہے اس سے قبل 2012 میں ایسا ہی تجربہ کیا گیا تھا جو کامیاب رہا۔ ناسا کی جانب سے دوسرا تجربہ ’مارس مشن 2020‘ کے لیے کیا گیا ہے ، جو اس مشن کا پہلا تجربہ ہے۔

راکٹ کی شکل کا یہ پیراشوٹ سیارے مریخ پر جہاز اتارتے وقت اس کی تیز رفتار کو کم کرنے میں کارآمد ثابت ہوگا۔

ناسا کے ترجمان کا کہنا ہے کہ پہلے کامیاب تجربے کے بعد اس مشن کا دوسرا تجربہ 2018 میں کیا جائے گا۔