پشاور (خصوصی نامہ نگار) شہید بینظیر بھٹو خواتین یونیورسٹی پشاور کی ٹیم نے نوشہرہ کی خواتین کرکٹ ٹیم کو شکست دے کر تیسرے مسز ملک سعد خان خواتین کرکٹ ٹورنامنٹ کے سیمی فائنل میں جگہ بنا لی۔ شہید بے نظیر بھٹو یونیورسٹی کی بولر نوشین نے پانچ وکٹیں حاصل کیں۔ نوشہرہ کی ٹیم نے پہلے بیٹنگ کی اور پوری ٹیم صرف 40 سکور پر آئوٹ ہوگئی۔نوشہرہ کی جانب سے ہما واحد نے 11 رنز ایمن نے آٹھ رنز بنائے۔آفشین اور روحیدہ نے ایک ایک وکٹ حاصل کی۔جواب میں شہید بے نظیر بھٹو یونیورسٹی نے مقررہ ہدف تین وکٹوں کے نقصان پر پورا کیا۔کپتان سلمیٰ فیض نے 28 رنزاور آفشین نے 10 رنز سکور کئے۔نوشہرہ کی جانب سے سنبل نے دو جبکہ نیلم اور عارفہ نے ایک ایک وکٹ حاصل کی۔ٹورنامنٹ میں آج مزید دو میچ کھیلے جائیں گے۔
فرمان الہی
نماز کے اوقات
