کراچی (اسٹاف رپورٹر) قومی ڈیپارٹمنٹل باسکٹ بال چیمپئنشپ میں دفاعیچیمپئن پاکستان آرمی نے پاکستان نیوی کو 22-79 پوائنٹس سے ہرادیا۔ وقفے میں اسکور 6-45 تھا۔ آرمی کی جانب سے عماد نے 20، شہباز نے 10 اور فرہاد نے 9 پوائنٹس اسکور کئے۔ نیوی کی جانب سے فیاض ،سکند ر اور عقیل نے 4،4 پوائنٹس اسکور کئے جاوید محمدخان، آصف محمود اور عامر غیاث نے ریفریز کے فرائض انجام دیے ۔ دوسرے میچ میں واپڈا نے پاکستان ریلوے کو 47-101 پوائنٹس سے ہرادیا ۔ ہاف ٹائم میں اسکور 21-59 تھا، عامر نے 34، عالیجاہ نے 18 اور مزمل نے 16 پوائنٹس اسکور کئے جبکہ ریلوے کی جانب سے احسان نے 24، وقار نے 8 اور اللہ بخش نے 4 پوائنٹس اسکور کئے ممتاز احمد، سید عدنان علی ، غلام محمد نے ریفریز کے فرائض انجام دیے۔قبل ازیںدونوں ٹیموں کا تعارف امتیاز احمدشیخ سے کرایا گیا اس موقع پر خالد بشیر ، غلام محمد خان ، عبدالناصر ، امجد علی ، محمد یعقوب اور دیگر موجود تھے۔
فرمان الہی
نماز کے اوقات
