ٹیکس نادہندگان کا سراغ لگایا جائے

وزیر اعظم شاہد خاقان عباسی نے ٹیکس نادہندگان کے حوالے سے متعلقہ محکمہ کو ہدایت کی ہے کہ ٹیکس نہ دینے والوں کا سراغ لگا کر ان سے ٹیکس وصول کیا جائے کیونکہ ٹیکس سے حاصل ہونے والی آمدن حکومت کی معاشی ترقی میں اہم کردار ادا کرتی ہے اور ٹیکس چوری کے مرتکب افراد معاشرے میں بدعنوانی کو فروغ دیتے ہیں جس سے ٹیکس چوروں کی حوصلہ افزائی ہوئی ہے۔ ٹیکس دہندگان کے لئے باقاعدہ شناختی کارڈ جاری کئے جاتے ہیں اور یہ کارڈ حاصل نہ کرنے والوں کے لئے ٹیکس چوری کا راستہ کھل جاتا ہے۔ جدید ٹیکنالوجی کو بروئے کار لاتے ہوئے ایک کروڑ ٹیکس نادہندگان کا سراغ لگاناممکن ہے ،ان سے ٹیکس وصول کرنے کے بعد ٹیکس بیس کو فروغ دیا جاسکتا ہے۔ فیڈرل بورڈ نے ریونیو ٹیکس اصلاحات کے ذریعے سال رواں کے دوران ٹیکس محصولات میں بیس فیصد اضافے سے جن کارکردگی کا جو ثبوت دیا ہے اسے جاری رہنا چاہئے۔ ٹیکس وصولی کا عمل مسا وی اور شفاف بنیادوں پر ترتیب دینے کی ضرورت ہے۔ اس سے کاروباری عملے کی بھی حوصلہ افزائی ہوگی اور ٹیکس چوری کو روکا جاسکے گا۔
(محمد اسلم رکن وزارت خزانہ۔ پاکستان)