نوڈیرو(نامہ نگار)پیپلز پارٹی کی جانب سے شہید بینظیر بھٹو کی دسویں برسی 27 دسمبر کو نہایت عقیدت و احترام کے ساتھ منانے کے لیئے تیاریاں تیز کردیں گئیں ہیں۔ اس سلسلہ میں شہید محترمہ بینظیر بھٹو کے مزار گڑھی خدا بخش بھٹوجانے والے تمام راستوں سمیت نوڈیرو کے اہم روڈ راستوں پر پی پی کی جانب سے بینرز، شہید بے نظیر بھٹو، شہید ذوالفقار علی بھٹو کے پوٹریٹ اور جھنڈے لگائے جارہے ہیں، اہم راستوں پر استقبالیہ کیمپ قائم کرنے کا کام بھی شروع کردیا گیا ہے جبکہ پی پی نوڈیرو کی جانب سے برسی کے حوالے سے کارکنان کو ہدایات دینے کے ساتھ ساتھ لوگوں کو بھی برسی میں شرکت کرنے کی دعوتیں دینے کا سلسلہ شروع کردیا گیاہے۔ برسی کے دن نوڈیرو سے گڑھی خدا بخش بھٹو تک مفت ٹرانسپورٹ فراہم کرنے کا بھی بندوبست کیا گیا ہے جبکہ 25 دسمبر سے گڑہی خدا بخش بھٹو میں لنگر بھی مفت شروع کیا جائے گا دوسری جانب پیپلز پارٹی کے چیئرمین بلاول بھٹو زرداری 22 دسمبر بروز جمعہ کو نوڈیرو میں شہریوں اور کارکنا ن سے اہم لائیو خطاب کرنے کا بندوبست بھی کیا گیا ہے جس میں بلاول بھٹو زرداری ہولوگرافک ٹیکنالاجی سے خطاب کریں گے، پروگرام کا اہتمام ریسٹ ہاؤس میں کردیا گیا ہے۔
فرمان الہی
نماز کے اوقات
