برمنگھم (ابرار مغل) پاکستان پیپلز پارٹی ورکرز ایکشن کمیٹی کے زیراہتمام پارٹی کی شہید قائد بینظیر بھٹو کی برسی کی مرکزی تقریب اس بار برمنگھم میں منائی جائے گی۔ برسی کی تقریب شام5بجے برمنگھم کے مقامی ہال میں منعقد ہورہی ہے۔ جس کے مہمان خصوصی پی پی پی برطانیہ کے سابق صدر سید حسن بخاری ہوں گے، جبکہ مختلف اہم شخصیات اور ورکرز ایکشن کمیٹی کے مرکزی قائدین سمیت برطانیہ بھر سے بھٹو کے جیالے، نظریاتی کارکن و رہنما شریک ہوں گے۔ اس سلسلے میں تیاریوں کا آغاز کردیا گیا ہے۔ پی پی پی ورکرز ایکشن کمیٹی کے مرکزی سیکرٹری جنرل راجہ امجد مظہر نے اس سلسلے میں برمنگھم سمیت مختلف شہروں کا دودہ بھی کیا اور اس مرکزی برسی کو شہید رانی محترمہ بینظیر بھٹو کے شایان شان منانے کے اقدامات کا جائزہ لیا ہے۔ دریں اثناء اس برس کے منتظمین حاجی بشیر آرائیں، راجہ گلتاسب خان، چوہدری منظور حسین، سید صغیر حسین شاہ، راجہ خالد، چوہدری اقبال رٹوی اور دیگر نے بھی برسی کے حوالے سے ملاقاتیں اور دعوتوں کا سلسلہ شروع کردیا ہے۔ جبکہ عنقریب حاجی بشیر آرائیں کی صدارت میں جائزہ اجلاس بھی منعقد ہوگا۔
فرمان الہی
نماز کے اوقات
