سہون شریف (نمائندہ جنگ) سہون کے قریب انڈس ہائی وے پر سن کے مقام پرخوفناک ٹریفک حادثے میں ایک ہی خاندان کے 5بچوں سمیت10 افراد جاںبحق ہوگئے جبکہ حادثے کی شکار دونوں کوچز کے ڈرائیور فرار ہوگئے۔ تفصیلات کے مطابق کراچی سے لاڑکانہ جانے والی سوزوکی وین انڈس ہائی وے پر سن کے مقام پر2مسافر کوچز کی زد میں آگئی جس کے نتیجے میں ایک ہی خاندان کے 5بچوں سمیت 10افراد جاں بحق اور20زخمی ہوگئے، جاں بحق ہونے والوں میں 4خواتین ریشما، سارہ، سائمہ اور کاملہ جبکہ بچوں میں احمد، جمیل، اقرا، اجوا، خوشبو اور مردجمشید شامل ہیں۔ ہلاک ہونےوالوں کا تعلق لاڑکانہ کے قریبی گاؤں نور محمد شیخ سے بتایا جاتا ہے، حادثے کی اطلاع ملتے ہی امدادی کارروائیاں شروع کرکے تحصیل سیہون شریف اور تحصیل مانجھند کے تمام اسپتالوں میں ایمرجنسی نافذ کردی گئی۔ دوسری جانب پولیس نے حادثے کا شکار ہونے والی دونوں کوچز اور سوزوکی وین کو تحویل میں لیکر مقدمہ درج کرلیاہے۔پولیس ذرائع کے مطابق تمام جاںبحق افراد کی لاشیں روانہ کردی گئیں۔بعد ازاں جاں بحق افراد کی نماز جنازہ قمبرکے گاؤں نورمحمد شیخ میں ادا کرنے کے بعد تمام ہلاک شدگان کو سپرد خاک کردیا گیا۔
فرمان الہی
نماز کے اوقات
