راولپنڈی (سٹاف رپورٹر)راولپنڈی کے مختلف علاقوں میں آتش زدگی کے دوواقعات میں 6افرادجھلس کرزخمی ہوگئے.تھانہ ائرپورٹ کے علاقہ ائرپورٹ ہاؤسنگ سوسائٹی سیکٹرتھری میں ایک گھرمیں گیس کی لیکیج کے باعث اتوارکی صبح زورداردھماکے سے آگ لگ گئی جس سے چارافرادزاہداقبال ،فرزانہ ،چارسالہ بیٹاعمر اور ڈیڑھ سالہ بیٹی بیناجھلس کرزخمی ہوگئے۔ ریسکیو 1122کے عملے نے موقع پرپہنچ کرآگ پرقابو پایا اورزخمیوں کوہسپتال منتقل کیا۔ادھرتھانہ نیوٹاؤن کے علاقہ بی بلاک سیٹلائٹ ٹاؤن میں رہائش پذیرفرحان ولدنصرت کے گھرگیس کے اخراج کی وجہ سے آگ لگ گئی جس سے فرحان اوران کی اہلیہ عائشہ بری طرح جھلس کرزخمی ہوگئے ان دونوں کوریسکیو1122کے عملے نے ہولی فیملی ہسپتال منتقل کیاجہاں سے بعدازاں ان دونوں کوواہ کینٹ منتقل کردیاگیا۔دونوں کی حالت تشویش ناک بیان کی جاتی ہے۔
فرمان الہی
نماز کے اوقات
