مصری الیکشن کمیشن نے صدارتی انتخابات مارچ 2018 میں کرانے کا فیصلہ کیا ہے۔
دار الحکومت قاہرہ میں مصری الیکشن کمیشن کے سربراہ جج لاشین ابراہیم نے پریس کانفرنس سے خطاب کرتے ہوئے صدارتی انتخابات کے شیڈول کا اعلان کیا، جس کے تحت ملک بھر میں 26 سے 28 مارچ تک رائے شماری کی جائیگی۔
جبکہ مصر سے باہر مقیم شہریوں کی رائے شماری کے لئے 16،17 اور18مارچ کے دن مقرر کئے گئے ہیں اور اس حوالے سے دنیا بھر میں مقیم مصری سفارتخانوں سے تیاریاں کرنےکو کہا گیا ہے۔
الیکشن کمشنر کے مطابق امیدواروں کے کاغذات نامزدگی 20 اور 21 جنوری کو جمع کئے جائینگے، اور کامیاب امیدواروں کے ناموں کا اعلان 31جنوری کو کیا جائیگا۔