کراچی میں سرچ آپریشن، 18 مشتبہ افراد زیرحراست

کراچی میں اورنگی ٹاؤن کے علاقوں میں سرچ آپریشن کے نتیجے میں 18 مشتبہ افراد زیر حراست جبکہ نارتھ ناظم آباد میں مسلح ملزمان نے ریسٹورنٹ کو لوٹ لیا۔

ایس پی اورنگی عابد علی بلوچ کے مطابق فقیر کالونی اور طوری بنگش کے علاقوں میں آپریشن کیا گیا، گھر گھر تلاشی کے دوران فقیر کالونی سے 10 جبکہ طوری بنگش سے 8 مشتبہ افراد کو حراست میں لیا گیا، جن کے قبضے سے2 پستول بھی ملے ہیں۔

نارتھ ناظم آباد بلاک این میں 4مسلح ملزمان ایک ریسٹورنٹ سے موبائل فون،نقد رقم اور دیگر قیمتی سامان لوٹ کر فرار ہوگئے۔

اورنگی انڈسٹریل ایریا اور کالاپل کے قریب ڈکیتی کے دوران مزاحمت پر فائرنگ سے امین اور سجاد نامی شخص زخمی ہوگیا۔