ملتان،لیہ،کوٹ سلطان(سٹاف رپورٹر،نمائندہ جنگ، نامہ نگار) وزیر اعلیٰ پنجاب شہباز شریف آج لیہ کا دورہ کرینگے، میلاد گرائونڈ میں جلسے کیلئے پنڈال سج گیا۔ ذرائع کے مطابق وزیر اعلیٰ پنجاب دن 12سے 1بجے کے درمیان لیہ پہنچیں گے، شہباز شریف جلسہ عام سے خطاب کے علاوہ ڈسٹرکٹ ہسپتال میں چلڈرن کمپلیکس،سی ٹی سکین یونٹ،آپریشن تھیٹر ،کلینیکل پتھالوجیکل لیب ،لیہ چوک اعظم دورویہ شاہراہ ،لالہ کریک پر ہیڈ ریگولیٹری کا افتتاح ،ڈویژن بھر کے محکمہ صحت کو ایمبولینس کی تقسیم کے علاوہ مختلف میگا پراجیکیٹس کا اعلان کریں گے،لیگی عہدیدروں اور ارکان اسمبلی کی طرف سے ضلع بھر میں خیر مقدمی بینرز ،پینا فلیکس لگا دیئے گئے،ضلعی پولیس کی طرف سے فول پروف سکیورٹی پلان تشکیل دے دیا گیا ہے ڈی پی او لیہ ناصر مختار راجپوت نے بتایا کہ ضلع بھر میں سکیورٹی ہائی الرٹ کر دی گئی ہے، دیگر اضلاع سے بھی نفری طلب کر لی گئی ہے اور 1840پولیس افسران و اہلکاران کو بائی نیم ڈیوٹی تفویض کر دی گئی ہے،ضلع کے داخلی و خارجی راستوں سمیت 12مقامات پر پولیس پکٹس قائم کر دی گئی ہیں، جلسہ گاہ میں واک تھرو گیٹ نصب کر دئیے گئے ہیں، دوسری طرف حکومت پنجاب کی طرف سے لیہ میں موبائل ہیلتھ یونٹ کے قیام کا نوٹیفکیشن جاری کر دیا گیا ،جس کا با قاعدہ افتتاح شہباز شریف آج اپنے دورہ لیہ کے دوران کریں گے ،محکمہ صحت کے جاری کردہ نوٹیفکیشن کے مطابق ضلع لیہ کی 48یونین کونسلوں میں 66مقامات پر موبائل ہیلتھ یونٹ کے ذریعے شہریوں کو صحت کی سہولیات فراہم کی جائیں گی ۔
فرمان الہی
نماز کے اوقات
