فرمان الہی
نماز کے اوقات
ملکہ کوہسار مری، گلگت بلتستان اور آزاد کشمیر میں بارش اور برف باری کا سلسلہ ایک بار پھر سے شروع ہوگیا ہے۔
ملکہ کوہسار مری میں ہونے والی برف سے سردی میں اضافہ ہوگیا ہے۔ گلگت بلتستان کے اضلاع استور، غذر، نگر سمیت بالائی علاقوں میں برف باری جاری ہے ۔ بابوسر ،تانگیر ،ضلع نگر کی وادی ہوپر اور وادی ہسپر میں ہونےوالی برف باری سے سردی بڑھ گئی ہے۔
برف باری کے باعث ضلع استورکےعلاقہ درہ برزل میں ٹریفک معطل ہوگئی ہے ۔
اُدھر آزادکشمیر کے ضلع باغ ، کوٹلی سمیت مختلف علاقوں میں کہیں ہلکی اور تیز بارش جبکہ پہاڑوں پربرف باری نے ایک بار پھر سردی کی شدت بڑھادی ہے ۔
