فرمان الہی
نماز کے اوقات
عمان میں 14 فروری سے شروع ہونے والے سہ ملکی ہاکی ٹورنامنٹ کے لیے پاکستان ٹیم کا اعلان کردیا گیا ہے، رضوان سینئر کو کپتان اور ارسلان قادر کو نائب کپتان مقرر کیا گیا ہے۔
پاکستان کی ہاکی ٹیم کا اعلان کراچی میں عبدالستار ہاکی اسٹیڈیم میں دو روزہ ٹرائلز کے بعد کیا گیا ، پاکستان ہاکی فیڈریشن کی سلیکشن کمیٹی کے چیئرمین اصلاح الدین نے ٹیم کا اعلان کیا۔
قومی ٹیم میں عمران بٹ،مبشر علی، رضوان جونیئر ، تصور عباس، ابو محمود، فرید احمد، توثیق ارشد، عمر بھٹہ ، ارسلان قادر، رضوان سینئر، شفقت رسول، امجد علی، فیصل قادر ،حماد شکیل بٹ، اظفر یعقوب، اعجاز احمد،عاطف مشتاق ، علی شان، عتیق ارشد، شجیع احمد اور تنظیم الحسن شامل ہیں۔
منتخب کردہ ٹیم دس فروری کو عمان روانہ ہوگی، ہیڈ کوچ حسن سردار کی معاونت محمد ثقلین اور ریحان بٹ کریں گے، شاہد علی خان گول کیپنگ کوچ ہوں گے۔
