ہری پور(نمائندہ جنگ )تھانہ خان پور پولیس نے چچا زاد بہن کو زیادتی کا نشانہ بناکر زخمی کرنے والے ملزم کو گرفتار کرلیا ڈسٹرکٹ پولیس آفیسر سید خالد ہمدانی نے گذشتہ روز اپنے دفتر میں ایس پی شعبہ تفتیش شمس الرحمن ڈی ایس پی خان پور اعجاز خان اور ایس ایچ او خان افسر خان کے ہمراہ ہنگامی پریس کانفرنس سے خطاب کرتے ہوئے بتایاکہ ایک لڑکی نے تھانہ خان پور میں رپورٹ درج کراتے ہوئے موقف اختیار کیا کہ وہ بھائیوں کے ساتھ رہتی ہے واقعہ کے روز گھر میں اکیلی تھی کہ اس کے چچا زاد بھائی سفیان ولد حکم داد سکنہ دیہہ نے گھر کے دروازے پر دستک دی دروازہ نہ کھولنے پر وہ دیوار پھلانگ کر گھر میں داخل ہوا اور چاقو سے زخمی کرنے کے بعد جنسی زیادتی کا نشانہ بنایا اور موقع سے فرار ہوگیا ڈی پی او کے مطابق مدعیہ کی رپورٹ پر مقدمہ درج کرنے کے بعد ڈی ایس پی کوٹ اعجاز خان کی سربراہی میں ایس ایچ او خان پور خان افسر اور دیگر ماہر افسران پر مشتمل خصوصی ٹیمیں تشکیل دی گئیں جنھوں نے مختلف مقامات پر چھاپہ زنی کرتے ہوئے ملزم کو گرفتار کرلیا ہے جس کے بعد مختلف پہلوئوں پر تفتیش کی جارہی ہے اس موقع پر ملزم کو میڈیا کے سامنے پیش بھی کیاگیا ۔
فرمان الہی
نماز کے اوقات
