راولپنڈی (سٹاف رپورٹر) راولپنڈی پولیس نے سماج دشمن عناصرکے خلاف کارروائی کرتے ہوئے 14 ملزموں کو گرفتارکر کے ان کے قبضہ سے3کلو 930 گرام چرس ،120لٹر کھلی شراب،2بوتل شراب، 3 پستول برآمد کر کے ملزموں کیخلاف الگ الگ مقدمات درج کر لیے۔ پولیس نے سی پی اوکی ہدایت پر پتنگ فروشوں کے کیخلاف کارروائی کرتے ہوئے16ملزموں کو گرفتار کر کے ان کے قبضہ سے6ہزار5سو 27پتنگیں اور317ڈوریںبرآمد کر لئے۔ ریس کورس پولیس نے پیپلز کالونی کے علاقہ میں ریڈ کرکے چار ملزمان فیاض ، آصف ، ماجد اور صفدر کو بذریعہ تاش جواء کھیلتے ہوئے قابو کرکے ان کے قبضہ سے 79ہزار740روپے اور 3 موبائل فون برآمد کرکے ملزموں کے خلاف مقدمہ درج کر لیا ۔تھانہ صدرواہ پولیس نے دوخواتین سمیت چار افراد کو بداخلاقی کے الزام میں گرفتارکرلیا۔ تھانہ صدرواہ کواے ایس آئی شہزادعلی نے بتایاکہ دوران گشت نواب آبادمیں نرما خواجہ سراکے گھر پر ریڈکیا جہاں ش، پ،ذیشان اورمحمد شکیل کو خریدوفروخت کرتے ہوئے قابوکر لیا۔
فرمان الہی
نماز کے اوقات
