خیبر پختونخوا کا پہلا سوشل میڈیا کنونشن، مریم نوازخطاب کریں گی

سابق وزیر اعظم میاں نواز شریف کی بیٹی اوردست راست مریم نواز آج مانسہرہ میں خیبر پختون خواہ کے پہلےسوشل میڈیا کنونشن سے خطاب کریں گی ۔

مسلم لیگ ن کے ضلعی صدر ظفر محمود کے مطابق مریم نواز ضلع مانسہرہ کے تاریخی قصبے بفہ میں بعد از نماز جمعہ سوشل میڈیا کنونشن سےخطاب کریں گی ۔

ان کا کہنا تھا کہ چونکہ یہ خیبر پختون خواہ میں سوشل میڈیا کا پہلا کنونشن ہے ، اس وجہ سے پورے صوبے سے سوشل میڈیا کے ورکرز کے ساتھ ساتھ اہلیان مانسہرہ اور لیگی ورکرز کی بھاری تعداد میں اس پروگرام میں شرکت متوقع ہے ۔