اسلام آباد(نمائندہ جنگ) وزیر مملکت اطلاعات ونشریات مریم اورنگزیب کو بچوں سے زیادتی کیخلاف قائم قومی اسمبلی کی خصوصی کمیٹی کی چیئرپرسن منتخب کر لیا گیاہے ، خصوصی کمیٹی بچوں سے زیادتی کے واقعات کی روک تھام کے لیے موجودہ قوانین اور پراسیکیوشن کے طریقہ کارکا جائزہ لے گی، قوانین میں بہتری اور عملدرآمد کے حوالے سے تمام سٹیک ہولڈرز ،صوبائی حکومتوں اورسول سوسائٹی کے نمائندگان سے مشاورت ہوگی، قانون و انصاف ، انسانی حقوق اور تعلیم کی وزارتیں کمیٹی کو اپنی تجاویز پیش کریں گی، بچوں سے زیادتی اور تشدد کے واقعات کے تدارک کے لیے خطے کے دیگر ممالک کے تجربات، رائج قوانین سے رہنمائی لی جائے گی اور صوبوں میں لاگو قوانین کا جائزہ لیا جائے گا، خصوصی کمیٹی کا اجلاس چیئرمین کے انتخاب کے لئے پیر کو ہوا ، مریم اورنگزیب کا نام رومینہ خورشید عالم نے تجویز کیا اور زاہد حامد نے تائیدکی، وزیر مملکت مریم اورنگزیب گفتگو کرتے ہوئے کہا کہ کمیٹی اس ضمن میں اپنی سفارشات 30دن کے اندر مرتب کرکے سپیکر قومی اسمبلی کو پیش کردے گی، زینب قتل کیس میں عدالت کی جانب سے جلد فیصلہ سنایا جانا نہایت خوش آئند ہے، پنجاب حکومت نے مختصر عرصے میں زینب کیس کے شواہد اکٹھے کیے جوقابل ستائش ہے، قوانین میں ترامیم کی تجویز دینگےتا کہ کوئی بھی ہمارے بچوں کی طرف میلی آنکھ سے نہ دیکھ سکے، وطن عزیز کے بچوں اور ان کے حقوق کے تحفظ کی بھاری ذمہ داری ایک ماں کے جذبے سے نبھانے کی پوری کوشش کروں گی۔
فرمان الہی
نماز کے اوقات
