ن لیگ کو سینیٹ انتخابات سے باہرپھینک دیا گیا،مریم نواز

24 فروری ، 2018

مسلم لیگ ن کی رہنما اور سابق وزیراعظم نواز شریف کی صاحبزادی مریم نواز نے کہا ہے کہ میں آج عوام کی عدالت میں نواز شریف کا نہیں پاکستان کا مقدمہ لے کر آئی ہوں،عوام کی نمائندہ جماعت کو سینیٹ الیکشن سے باہر کردیا گیا،یہ سب نواز شریف کے ساتھ نہیں عوام کے ساتھ کیا جارہا ہے۔ عوام کی رائےپراپنی رائے بطور ہتھیار یا قلم مسلط کی جائےوہ بدترین آمریت ہے۔

سرگودھا میں مسلم لیگ ن کے سوشل میڈیا کنونشن سے خطاب میں مریم نواز کا کہنا تھا کہ سرگودھاکےعوام کی عدالت میں پاکستان کا مقدمہ لے کرآئی ہوں،یہ پاکستان میں کیاہورہاہے؟پاکستان میں حالیہ جو ہوا وہ بدترین آمریت میں بھی نہیں ہوا،کبھی دیکھاکہ پوری جماعت کوالیکشن سے باہرکردیاگیاہو،(ن) لیگ کونہ صرف الیکشن سے باہر کردیا گیابلکہ شیرکانشان بھی چھین لیاگیا۔

انہوں نے کہا کہ پہلےنوازشریف کووزارت عظمیٰ سےفارغ کیاگیااوراب پارٹی صدارت بھی چھین لی گئی، ان عقل مندوں کو کوئی سمجھائےکہ یہاں آکردیکھےکہ نوازشریف کوصدارت کی اسٹیمپ کی ضرورت نہیں،نوازشریف وزارت عظمیٰ یاصدارت کی وجہ سےنوازشریف نہیں بنا،عوام کی محبت سےنوازشریف بناہے۔

مریم نواز نے کہا کہ نوازشریف کوصدارت سےہٹانے،دلوں سےنکالنے،سیاسی طورپرروکنےکیلیےکروڑوں ووٹروں کوبھی نااہل کرنا ہوگا۔

انہوں نے مزید کہا کہ ملک سے آمریت کے اندھیرےمٹانے کی کوشش کررہے ہیں۔آئندہ انتخابات میں بھی مسلم لیگ ن ہی کامیابی حاصل کرے گی ،انتقام کا شکریہ ادا کریں کہ سارے شیروں کو متحد کردیا۔

اس موقع پر مریم نوازکو ملنے والا سونےکاتاج انہوں نے سرگودھامیں قائم یتیم بچوں کےادارے کو دینےکا اعلان کیا۔

تازہ ترین