راولپنڈی ( مانیٹرنگ ڈیسک )آزاد کشمیر، چترال ، مری میں برفباری،شہروں میں بارش سے سردی بڑھ گئی ، تفصیلات کے مطابق وادی نیلم سمیت بالائی علاقوں میں برفباری ہوئی وادی نیلم ، اٹھمقام،جہلم ویلی میں رابطہ سڑکیں بند ہوگئیں، کئی علاقوں میں بجلی کا نظام معطل ہوا عوام کو مشکلات کا سامنا بھی کرنا پڑا جبکہ مظفر آباد سمیت ملک کے مختلف علاقوں میں کہیں ہلکی کہیں تیزبارش جب کہ ملک کے بالائی علاقوں میں برفباری ہوئی ، جس کے باعث موسم ایک بار پھر سرد ہوگیا ہے۔ محکمہ موسمیات کا کہنا ہے کہ کشمیر، فاٹا، گلگت بلتستان، کوئٹہ، ژوب، قلات ڈویژن، خیبرپختونخوا میں بارش اور پہاڑوں پر مزید برفباری کا امکان ہے۔ اس کے راولپنڈی ، اسلام آباد اور گردونواح میں وقفے وقفے سے جاری ہلکی بارش کے باعث لوگوں میں خوشی کی لہر دوڑ گئی ہے، برف باری کی وجہ سے کاغان تا ناران اور ناران تا بابو سر ٹاپ تک کے تمام رابطہ روڈ بند ہوگئے ہیں۔ میرپور آزاد کشمیر، مظفرآباد وگردونواح میں بارش کے باعث سردی کی شدت میں اضافہ ہوگیا ہے۔
فرمان الہی
نماز کے اوقات
