فرمان الہی
نماز کے اوقات
اکثر اوقات موبائل فونز اور دستی آلات مکمل طور پر چارج ہونے کے لئے گھنٹوں کا وقت لیتے ہیں تاہم اب جنوبی کوریا میں ماہرین نے ایک ایسی جدید بیٹری تیار کرلی ہے جو صرف 20 سیکنڈ میں صفر سے مکمل چارج ہوسکتی ہے۔
جی ہاں، جنوبی کوریا میں واقع ایڈوانسڈ انسٹی ٹیوٹ آف سائنس اینڈ ٹیکنالوجی نے دنیا کا پہلا ’ایکویس ہائبرڈ کپیسٹر تیار کیا ہے جس میں مائعاتی الیکٹرولائٹس کا استعمال کیا گیا ہے۔
کوریائی ماہرین نے روایتی دھاتوں کے بجائے اس بیٹری میں’ گریفین پر مشتمل پولیمر‘ استعمال کیا ہے اور اس سے بیٹری کا ایک سرا اینوڈ بنایا ہے۔
دوسری جانب میٹل آکسائیڈ سے دوسرا سِرا یا کیتھوڈ تیار کیا ہےاور اس سے بیٹری کے خرچ ہونے اور ضائع ہونے کی رفتار بہت کم رہ گئی ہے۔
وجہ یہ ہے کہ اینوڈسے بیٹریاں حیرت انگیز رفتار سے چارج ہوتی ہیں اور ایک لاکھ مرتبہ چارج ہونے پر بھی ان کی افادیت برقرار رہتی ہےاور اس طرح بند بیٹری کو صرف 20 سیکنڈ میں مکمل طور پر چارج کیا جاسکتا ہے۔
